This is a single blog caption

Opnun frumkvöðlaseturs í Húsi Sjávarklasans við Reykjavíkurhöfn

Íslenski sjávarklasinn opnaði í dag nýtt frumkvöðlasetur sem hefur aðsetur í Húsi Sjávarklasans að Grandagarði 16 við Reykjavíkurhöfn.

Um er að ræða frumkvöðlasetur fyrir einstaklinga með hugmyndir og verkefni tengd hafinu. Í setrinu fá einstaklingar tækifæri til að útfæra hugmyndir sínar í skapandi umhverfi í samstarfi við sérfræðinga Nýsköpunarmiðstöðvar Íslands og Íslenska sjávarklasans. Einnig gefst tækifæri á að komast í námunda við fjölmörg fyrirtæki í starfsemi sem tengjast m.a. tækni í sjávarútvegi.

Frumkvöðlasetrið hýsir nú fjóra frumkvöðla sem vinna að viðskiptahugmyndum sínum tengdum hafinu og kynntu þeir verkefni sín fyrir gestum. Verkefnin sem verið er að vinna að er saltvinnsla á Reykhólum á vegum Íslenska saltfélagsins, kaldhreinsað lýsi á vegum True West, veiðar og vinnsla á makríl og krabba á vegum Arctic ehf. ásamt verkefni sem snýst um þróun á saltfiskréttum.

„Oft er sagt að þurfi heilt þorp til að byggja upp fyrirtæki, í okkar tilfelli er það 300 manna samfélag sem heitir Reykhólar“ sagði Garðar Stefánsson hjá Íslenska saltfélaginu sem hefur það að  markmiði að búa til salt sem tryllir upp bragðlaukana og fær fólk til að trúa á guð!

Frumkvöðlasetrið er styrkt af Brim Seafood, Icelandair Cargo, Mannvit og Eimskip.

Áhugasamir geta nálgast frekari upplýsingar um frumkvöðlasetrið hér eða vef Nýsköpunarmiðstöðvar Íslands á www.nmi.is.The Iceland Ocean Cluster opened today a new Innovation Center located in the Ocean Cluster House by Reykjavik harbour at Grandagardur 16.

The Innovation Center will support entrepreneurs who have marine related projects and companies. At the center these individuals get the chance to develop their ideas in a creative environment in cooperation with Innovation Center Iceland and The Iceland Ocean Cluster. They will also have the opportunity to get close to many companies in marine related businesses.

There are now four entrepreneurs in the center all working on marine related ideas and today they introduced their ideas to guests at the opening.

Main supporters of the Innovation Center are  the following companies; Brim Seafood, Icelandair Cargo, Mannvit og Eimskip.

Further information about the Innovation Center are available here and on the webpage of Innovation Center Iceland www.nmi.is.