This is a single blog caption

Nýtt framtak – efling tengsla milli nemenda og fyrirtækja

Íslenski sjávarklasinn kynnir nýtt framtak sem ber heitið Verkefnamiðlun. Um er að ræða eflingu tengsla milli nemenda og fyrirtækja með miðlun á raunhæfum verkefnum.

Framtakið er í formi vefsíðu þar sem fyrirtækjum gefst kostur á að skrá áhugaverð verkefni sem þau óska eftir nemendum til að sinna. Nú þegar eru í boði 50 verkefni fyrir nemendur. Verkefnin eru af öllum stærðum og gerðum og geta verið allt frá smáum annarverkefnum yfir í lokaverkefni og möguleg sumarstörf.

Með þessu framtaki myndast enn betri tengsl milli skóla og  atvinnulífs og nemendur fá tækifæri til að öðlast starfsreynslu hjá íslenskum fyrirtækjum tengd sinni fagþekkingu og áhugasviði. Á sama tíma fá fyrirtæki tækifæri til að komast í tengsl við áhugasama og metnaðarfulla nemendur í verkefni sem oft sitja á hakanum sökum anna og mögulega skorts á þekkingu, sér í lagi hjá litlum og meðalstórum fyrirtækjum.

Verkefnið er tilkomið vegna samstarfs menntahóps Sjávarklasans, en hópurinn samanstendur af fulltrúum úr framhalds- og háskólum hér á landi sem bjóða upp á haftengt nám. Verkefnið hefur verið unnið undir forystu Háskólans á Akureyri, er kostað af Íslandsbanka og stutt af fjölda fyrirtækja og stofnana, þar á meðal Faxaflóahöfnum, Vísi hf., Eimskip, Marel, Háskóla Íslands, Innovit og Nýsköpunarmiðstöð Íslands.

Mikil þörf er á að efla tengsl milli nemenda og fyrirtækja hér á landi og ekki hvað síst í haftengdum greinum. Erlendis tíðkast að bjóða upp á starfsnám sem getur síðar leitt til ráðningar en hér á landi er lítið um slíkt og er þetta því leið Íslenska sjávarklasans til að efla slík tengsl. Sem stendur er megináhersla lögð á haftengd verkefni og verkefni tengd nýsköpun. Vefurinn er þó opinn fyrirtækjum í öllum atvinnugreinum og nemendum sem hafa brennandi áhuga á að vinna raunhæf verkefni fyrir atvinnulífið.

Vefurinn hefur nú þegar verið opnaður og verður formlega kynntur meðal nemenda á Framadögum sem haldnir verða 6. febrúar frá kl. 11 – 16 í Háskólanum í Reykjavík.

Við hvetjum fyrirtæki og nemendur til að kynna sér framtakið nánar á www.verkefnamidlun.is

Allar nánari upplýsingar um framtakið veitir Eva Rún Michelsen hjá Íslenska sjávarklasanum í síma 692 9440The Iceland Ocean cluster introduces a new project sharing website named “Verkefnamidlun”. This gives companies and students the opportunity to get closer in a systematic way.

The website now offers 50 projects for students. They are of a vast variety from small semester projects and possible PhD research. Some projects are even in a form of a summer job.

With this new initiative schools and industry will connect even more and students will gain professional experience working with real projects for working companies. At the same time companies will get the chance to connect with interesting and ambitious students who are willing to work on projects that need to be done.

A group of representatives from universities and colleges who offer marine related studies are the people behind the idea and with the help of the Iceland Ocean cluster and a grant from the Entrepreneur fund at Íslandsbanki bank the initiative has come to life.

Log on to www.verkefnamidlun.is to view the website and what it has to offer (the website is in Icelandic).